Selamat siang ncang ncing nyak babeh , Bertemu lagi nih ame aye , Alhamdulillah ye kite bisa berjumpa lagi disini lah pan kemaren-kemaren aye udeh mosting beberapa penyakit ye? bener gk ncang ncing nyak babeh khususnya buat yang baca postingan aye ini , kali ini aye mau berbagi pengalaman ih ame ncang ncing nyak babeh semuanya , sebelum aye mulai alangkah baiknya lu semua menyimak deh ye cerita aye, pan aye mah orangnya kaga ribet kaga mao ngulang-ngulang ,
yaudeh langsung aje ye aye ceritain pengalaman aye ...
Tentang anak sekolahan ....
Tiap pagi nih , aye sering banget diomelin sama orang tua kalo kaga bangun pagi nih ncang ncing nyak babeh , nah abis bangun aye langsung tuh ngambil wudhu terus sholat , aye nih paling males kalo lagi sholat suka diceramahin ama enyak aye ehh bujug dah ...
selesai sholat aye langsung mandi terus rapi-rapi siap berangkat sekolah aye di anter ama babe,biasanye aye dianter ampe sekolah , pan kalo kaga ada yang nganter aye gempor jalan yang lumayan jauh pisan et daah ...
Sampai disekolah nih, aye langsung menuju kekelas dan ketemu ame temen-temen aye juga pan aye mah asal lu semua tau ya paling males keluar kelas paling juga aye mah kalo keluar kelas cuman ke mesjid kalokaga ke kantin ... aye pan paling suka di kelas soalnye dikelas tuh adem pisan :D terus sambil maenin hape temen aye dah ..
Aye pun pulang sekolah , Biasanye aye pulang tuh ame thoriq dan zoelfi , kite jalan tuh ncang ncing nyak babeh jalan cukup jauh dibawah teriknya sinar matahari noh , tapi itulah sahabat ncang maupun panas ujan kite tetep jalan dan pulang bareng , perjalanan cukup jauh dan nyampe di pager depan rumah thoriq dan dienya langsung masuk halaman rumahnye dan berkata "Gua duluan " dan aye ama zoelfi bling "iye riq Hati-hati" dan aye ama zoe lanjutin perjalanan gak lama nyampe didepan gang rumahnye si zoe die pun berkata "duluan mad" dan gua jawab "iye pi" ,
nah aye pun jalan dewekan bae , nyampe rumah aye ngucap salam , dan naro sepatu , langsung kekamar aye naro tas , dan aye langsung ke kamar mandi untuk ambil wudhu dan sholat *lahpanguaanakrajin* -__- , setelah sholat aye kepengen makan dan kebetulan dirumah aye gaada makanan cuman adanye mie doang , aye masak mie terus makan , langsung nyetel tipi dan kepulesan di depan tipi , waktu ashar udeh manggil aye sholat , dan abis itu aye nonton tv lagi kepengen maghrib aye mandi abis mandi adzan maghrib memanggil aye pun sholat dan abis ntu biasanye aye tilawah ampe isya , terus aye biasanye ngerapii buku sekalian ngerjain pr ...
abis itu aye nonton tivi lagi dan palingan abis itu aye langsung kepulesan tidur deh ......
nah sampe sini dulu nyak cerita aye pan kita mah mosting dikit-dikit , hehehe :) , dan bagi elu yang mau cerita sama aye cerita aje ama aye insya Allah aye punya waktu buat elu-elu pada yang mau curhat ...... Sekian cerita dari aye
Wassalamualaikum WR.WB
Tidak ada komentar:
Posting Komentar